सियुडाड, जवार, मेक्सिको । लागू पदार्थले गाँजेको मेक्सिको नगरमा अमेरिकी राजदूताबाससँग आबद्ध तीनजनाको हत्या भएको छ र अरु दुई घाइते भएका छन् ।
मेक्सिको सिमाना नजिकै पर्ने पयर्टन आकर्षक केन्द्र आकापुल्को नगरमा आइतबार बिहानैमात्र लागु पदार्थ तस्करीहरूबीच मच्चिएको हिंसामा करिब ५० तस्करहरूको मृत्यु भएपछि पनि थप ९ जनाको एक रिसोर्ट होटेलमा गोली हानी हत्या गरिएको फेला परेको थियो ।
विगतमा मेक्सिकोमा पारिवारिक नाता सम्बन्ध रहेका कैयौं अमेरिकी नागरिकहरूको हत्या भईसकेको भए पनि हालैका वर्षहरूमा अमेरिकी सरकारी कर्मचारीहरूलाई लक्ष्य गरिएको घटनाहरू कमै मात्र घटेका थिए ।
अमेरिकी राजदूताबास सम्बद्ध कर्मचारी दम्पती र एक बालकसहित तीनजनाको शान्तफि अन्तर्राष्ट्रिय पुल भएर कारमा जाँदै गर्दा हत्या भएको हो ।
सोही कारमा यात्रा गर्ने अन्य दुई बालक पनि गोली लागि सिकिस्त भएका छन् । अमेरिकी राष्ट्रपति बाराक ओबामाले उक्त हत्या काण्ड उपर आक्रोश प्रकट गरेका छन् ।  मेक्सिकोका राष्ट्रपति फेलिप क्याल्डेरोनले शीघ्र छानविन गर्ने प्रतिज्ञा गरेका छन् । एपी