नेपाल अटोमोबाइल स्पोर्टस एशोसिएशन नासा काठमाडौं जिल्ला कमिटी र नासा वुमन बाइकर्स ग्रुपको संयुक्त आयोजनामा सम्पन्न दोस्रो वुमन बाइकर्स च्याम्पियनसिप र्याली २०१० को प्रथम पुरस्कार रञ्जना श्रेष्ठले चुमेकी छिन् । पैतीस जना प्रतियोगीहरुबाट चौंतीस जनालाई उछिन्दै उनले ट्रफी हात पारेकी छिन् । गत शनिबार सम्पन्न ३६ किलोमिटर दूरिको र्यालीमा श्रेष्ठ प्रथम बनेकी हुन् । ललितपुरको जावलाखेलबाट शुरु भएको सो र्यालीको उद्घाटन नेपालको पहिलो महिला टेम्पु चालक लक्ष्मी शर्मा, विश्व साइकल यात्री पुष्कर शाह तथा राष्ट्रिय खेलकुद परिषदका निमित्त सदस्य सचिव समिम मिया अन्सारीले संयुक्त रुपमा रिबन काटेर गर्नु भएको थियो ।